កម្មការិនីមួយចំនួន ស្លាប់ និងដួលសន្លប់ ដោយសារថប់ដង្ហើម នៅរោងចក្រសម្បត្តិត្រេឌីង
06-November-2015 | ដោយ ពល រាជសី
ព្រៃវែង៖ យ៉ាងហោចណាស់កម្មការិនី ម្នាក់បានស្លាប់ និង ៤នាក់ទៀត បានដួលសន្លប់ នៅរោងចក្រសម្បត្តិត្រេឌីង ស្ថិតក្នុងស្រុកស្វាយអន្ទរ កាលពីវេលាម៉ោង ៤:៣០នាទីល្ងាច ថ្ងៃទី៥ ខែវិច្ឆិកា ឆ្នាំ២០១៥ ។
សមត្ថកិច្ចបានឲ្យដឹងថា នៅវេលាខាងលើ កម្មករ នៅរោងចក្រសម្បត្តិត្រេឌីង ៥នាក់ ស្រី បានខ្យល់ ថប់ដង្ហើម សន្លប់ ត្រូវបានបញ្ជូនទៅសង្គ្រោះនៅមន្ទីរពេទ្យភា្លមៗផងដែរ ប៉ុន្តែជាអកុសលកម្មការិនីម្នាក់បានស្លាប់នៅមន្ទីរពេទ្យ ។ សមត្ថកិច្ចបានបន្តថា កម្មការិនីដែលបានស្លាប់នោះមាន ឈ្មោះ រ៉ន ស្រីនាង ភេទស្រី អាយុ១៩ឆ្នាំ មានលំនៅភូមិព្រៃឫស្សី ឃុំជាខ្លាង បានស្លាប់នៅមន្ទីរពេទ្យ ។ ចំណែកឯអ្នកដួលសន្លប់ ទាំង ៤នាក់ រួមមាន ទី១ ឈ្មោះ អៀន អ៊ីត ភេទស្រីអាយុ១៧ឆ្នាំ, ទី២ ឈ្មោះ អៀន អ៊ិន ភេទស្រី អាយុ១៩ឆ្នាំ អ្នកទាំងពីរជាបងប្អូនបង្កើត រស់នៅភូមិចុងអំពិល ឃុំចុងអំពិល ស្រុកកញ្ច្រៀច, ទី៣ ឈ្មោះ វ៉ាង ស្រីម៉ុច ភេទស្រី អាយុ២១ឆ្នាំ រស់នៅភូមិត្នោតទ្រេត ឃុំតាកោរ ស្រុកពោធិរៀង និងទី៤ ឈ្មោះ ចាន់ ស្រីរ៉ា ភេទស្រី អាយុ១៤ឆ្នាំ រស់នៅភូមិឆ្កែកូន ឃុំជាខ្លាង ។
សមត្ថកិច្ចបានបញ្ជាក់ថា អ្នកទាំង ៤នាក់ គ្រាន់តែសន្លប់ និងកំពុងសម្រាកព្យាបាលនៅមណ្ឌលសុខភាពស្វាយអន្ទរ មូលហេតុមកពីខ្យល់ ថប់ដង្ហើម ។ ចំណែកកម្មការិនីដែលបានស្លាប់ត្រូវបានក្រុមគ្រួសារយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ6701
- ម្សិលមិញ4461
- សប្តាហ៍នេះ11171
- ខែនេះ33051
- ឆ្នាំនេះ33051
- សរុប20475507